Nagduso og articles of impeachment si Texas Democrats Representative Al Green batok kang US President Donald Trump.
Kini subay sa gihimong pag-atake ug pagpangbomba sa Estados Unidos ngadto sa 3 ka mga nuclear facilities sa Iran.
Gipadayag ni Green nga walay hustong pahibalo nga gihatag ngadto sa mga lider sa Kongreso sa wala pa gipahigayon ang operasyon sa militar, bisan pa nga ubang mga lider sa langyaw nga mga nasud nakadawat og advance notice.
Wala pa sab opisyal nga pahayag nga gipagula gikan sa administrasyon ni Trump mahitungod sa maong resolusyon.
Sa iyang pamulong sa US House of Representatives, giingon ni Green nga ilegal ug supak sa konstitusyon ang gibuhat ni Trump. Kinahanglan matud pa nga aprobahan sa Kongreso ang bisan unsang lakang sa US nga may kalabotan sa pagpamomba.
Sa nahimong botohan, nakakuha kini og 344 nga pabor ug 79 nga supak, diin 128 sa mga mipabor sagad mga Democrats nga kaalyado ni Trump.
Kahinumduman nga sa unang termino ni Trump, duha ka beses kini nga gipa-impeach, apan kini gipakawad-an og sala sa Senado.