Gipahibalo sa International Olympic Committee kon IOC ang mga kausaban nga himoon.
Usa na niini mao nga ang mga sports sa kababayen-an kinahanglan lamang nga ang mosalmot mao ang tinuod nga mga babaye ug giklaro nga ang transgender women dili lakip niini.
Matud sa Presidente sa IOC nga si Kirsty Coventry, epektibo kini alang sa 2028 Los Angeles Olympics.
Dugang pa niini, nga ang polisiya gipangunahan sa mga medical experts.
Gipasabot usab niini, nga dili makiangayon alang sa dili tinuod nga babaye nga mosalmotsa sports sa mga tinuod nga babaye.
Lakip usab sa pagdili mao ang mga atleta nga adunay Differences in sex development kon DSD diin ang mga hormone, gene o reproductive organs adunay sagol nga characteristics sa lalaki ug babaye.
Samtang pahugtan usab niini ang tanan nga mosalmot sa mga sports sa kababayen-an sama sa pagpaubos sa screening pinaagi sa pagkuha sa laway, dugo o swab samples.
Kadtong dili makapasar mahimong makasalmot gihapon sa sports nga wala’y sexual classification.