Trabahante patay human nakuryentehan sa gitukod nga Street lights project sa lungsod Maramag

Gihaya na ang usa ka trabahante nga namatay human makuryentehan samtang nagtrabaho sa street lights project sa Brgy. San Miguel lungsod sa Maramag lalawigan sa Bukidnon milabay nga semana.

Matud ni Kagawad Lorenzo Boisers, nagtaud og steel post ang mga trabahante sa dihang nadasmagan niini ang live wire, hinungdan sa kusog nga electric shock.

Tulo ang naigo duha ka solar installers ug usa ka driver apan mas grabe ang nadawat sa usa ka biktima nga hinungdan ngadto sa iyang kamatayon.

Gibutyag ni Kag. Boisers nga 22 ka street lights ang gitaud sa gilay-on nga 1.3 kilometers ang maong proyekto.

Nagpahimangno usab ang opisyal sa tanang nagatrabaho sa poste ug kuryente nga timan-an pirmi ang safety protocols aron malikayan ang susamang trahedya.