Nagpadayon sa pagpangandam si PNP Chief Gen. Nicolas Torre III ug Davao City Acting Mayor Baste Duterte para sa ilang charity boxing match karong Dominggo sa Rizal Memorial Coliseum. Si Torre, 55 anyos ug miyembro sa PNPA Boxing Corps Squad, nagpraktis sa Camp Crame ug mitug-an nga dili siya boksingero apan andam siya sa hagit.
Andam siya makiglantugi hangtod 12 rounds ug misiguro nga sayo pa lang naa na siya sa venue. Nag andam sab si Baste apan walay klaro kung matuman ba kini human kining mipagawas sa iyang hagit.
Subay sa report mas batan-on kini ug mas dako og lawas kaysa kang Torre. sa vlog ni Baste, giingon niyang nagpalag lang si Torre tungod sa posisyon ug iyang gihagit og sumbagay.Gibutyag ni Torre nga ang away alang sa charity para sa mga biktima sa kalamidad.
Apan si Baste naglatid og kondisyon nga ang tanang elected officials dapat magpadrug test pinaagi sa hair follicle ug gusto niyang kini maggikan mismo sa Presidente. Tungod niini, daghang netizens ang mibatikos kang Baste ug gitawag siyang nahadlok.