Nasikop sa kapulisan ang usa ka lalaki nga giilang Top 7 Most Wanted Persons sa Bukidnon tungod sa tulo ka kasong pagpanglugos batok sa menor de edad.
Gipahigayon ang operasyon sa mga sakop sa Quezon Municipal Police Station, uban sa koordinasyon sa Provincial Intelligence Unit sa Bukidnon Police Provincial Office, didto sa Purok 5, Barangay Linabo, Quezon, Bukidnon alas 10:40 sa buntag niadtong Oktubre 25, 2025.
Giila ang nadakpan nga si Richard Dagpin y Ruiz, 38 anyos, usa ka mag-uuma ug residente sa maong lugar, nga gidakop pinaagi sa warrant of arrest alang sa tulo ka kaso sa qualified rape of minor, nga walay gitugot nga piyansa.
Sa pagkakaron, anaa na sa kustodiya sa Quezon Municipal Police Station ang suspetsado alang sa dokumentasyon ug hustong disposasyon.