Nasikop sa kapulisan ang top 4 most wanted person sa probinsya sa Bukidnon tungod sa serye sa kaso nga may kalabotan sa malaw-ay nga binuhatan batok sa menor de edad, atol sa gihimong operasyon sa Sitio Abyawan, Barangay Dalirig, Manolo Fortich sa buntag kagahapong adlawa (Hulyo 29, 2025.)
Gipangulohan sa Manolo Fortich Municipal Police Station ang maong operasyon nga nagresulta sa pagkadakop ni Luvemin Bernabe Lumaghan alyas “Mhen”, 45 anyos, minyo, walay trabaho, ug residente sa Sitio Bliss, Barangay Lingi-on, Manolo Fortich.Si Bernabe giilang Top 4 Most Wanted sa Provincial Level, nga atubang sa walo ka kaso sa Lascivious Conduct ubos sa Section 5 (B) sa Republic Act 7610, nga may total bail bond nga P720,000.
Ang maong akusado anaa nas Manolo Fortich Police Station alang sa dokumentasyon ug tukmang legal nga proseso.