- Advertisement -
Nakakustodiya na sa kapulisan ang giilang Top 1 Most Wanted Person sa rehiyonal nga lebel human kini mapasakaan sa tulo ka kaso sa Qualified Rape.
Nasikop ang suspetsadong si Erning Traya Zapanta, 33 anyos, trabahador ug residente sa Barangay 6, Bongbongon, Quezon, Bukidnon, atol sa operasyon nga gilusad sa alas 11:10 sa buntag niadtong Agosto 2, 2025.
Si Zapanta giilang Top 1 Most Wanted Person sa rehiyon tungod sa tulo ka kasong Qualified Rape nga gisang-at ilawom sa Criminal Case Nos. 486-M, 487-M, ug 488-M, nga gisaka kaniadtong Hulyo 22, 2025.
- Advertisement -
Walay girekomendang piyansa alang sa iyang temporaryong kagawasan. Ang suspetsado anaa na karon sa kustodiya sa Quezon MPS alang sa tukmang dokumentasyon ug legal nga proseso.
- Advertisement -