Nagpagawas og memorandum ang PBA Commissioner’s Office batok sa import sa TNT Tropang Giga nga si Bol Bol.
Gipahinumdoman ang 7-foot-3 nga magdudula nga duna siyay responsibilidad sa pagpakig-atubang sa mga fans ug sa mga sakop sa media.
Gikumpirma ni PBA Commissioner Willie Marcial ang pagpadala og memo ngadto sa Tropang 5G human nagdumili si Bol Bol sa pag-apil sa post-game interviews, bisan pa man og siya ang napiling “Best Player of the Game.”
Nasayran nga bisan unsaon pa og paningkamot ni TNT team manager Jojo Lastimosa, wala gayod mopatigbabaw ang South Sudanese ug kanhi NBA player sa pagpaunlak sa interbyu.
Sa laing bahin, gipanalipdan ni TNT coach Chot Reyes ang iyang import—nga anak sa mipanaw na nga NBA player nga si Manute Bol—ug miingon nga nag-adjust pa lang kini sa matang sa dula dinhi sa PBA.