Hugot nga nangandam ang Traffic Management Center sa Malaybalay alang sa dagkong kalihokan sa Kaamulan Festival ug Northern Mindanao Regional Athletics Association (NMRAA) diin gilauman ang pagdagsa sa kapin 9,500 ka bisita sa siyudad.
Sumala ni Justino Roy B. Santonino, Traffic Operations Officer I, girequire ang vehicle pass sa tanang sakyanang mosulod sa Sports Complex sa Barangay Laguitas aron malikayan ang pagsamot sa trapiko ug pagkapuno sa parking area nga adunay kapasidad nga kapin 1,200 ka slots ug 90 alang sa VIP.
Nakigkoordinar usab ang TMC sa Department of Public Works and Highways alang sa pagpatuman og “No Parking Both Sides” sulod sa usa ka kilometro gikan sa north ug south gates sa venue tungod kay nahimutang kini sa national highway.
Nagbutang usab og mga drop-off areas alang sa public utility vehicles ug pedestrian lanes aron masiguro ang kaluwasan ug hapsay nga dagan sa trapiko atol sa maong mga kalihokan.
Gilauman sa TMC nga pinaagi sa maong mga lakang, mapadayon ang organisado ug malinawon nga trapiko samtang ginahost sa Malaybalay ang duha ka dakong kalihokan sa rehiyon