Gipaniguro sa Traffic Management Center sa dakbayan sa Malaybalay ang kahapsay sa trapiko alang sa gikatakdang Valentine’s Day concert nga ipahigayon sa Capitol Grounds ugma sa hapon, Pebrero 14, 2026
Sa eksclusibong pakighinabi sa Bombo Radyo gibutyag ni Justino Roy B. Santonino, Traffic Operations Officer 1 nga mokabat sa napulo ka mga personahi ang i-deploy sa mga nag-unang point of entry sa maong dapit. Dugang pa niini, andam ang ilang buhatan nga dugangan ang maong gidaghanon base sa mahimong desisyon sa komite kon gikinahanglan.
Usa sa mga prayoridad sa TMC mao ang pagsiguro nga dili mababagan ang mga dalan aron adunay daling agianan ang mga emergency vehicles sama sa ambulansya.
Gipahinumdoman usab ang mga motorista nga magmatngon sa pagmaneho aron malikayan ang mga aksidente, ilabi na ang pagka-sideswipe sa mga pedestrian. .
Bisan pa niini, masaligon ang opisyal nga mamahimong hapsay ang dagan sa trapiko sama sa mga dagkong okasyon sa miaging tuig tungod sa pagpahimutang sa mga designated parking areas.