Gipahugtan sa Traffic Management Center (TMC) sa Malaybalay City ang operasyon batok sa mga motorsiklong adunay “bora-bora” o modified muffler tungod sa kasaba ug hulga sa kalinaw sa publiko. Sa pakighinabi sa Bombo Radyo Malayalay kay Traffic Operations Officer I Justino Roy Bayo Santonino na ang “bora-bora” mao ang muffler nga gikalkal o pinalabi aron mosobra sa 90-decibel sound limit nga gitugotan sa LTO.
Giingon niyang padayon ang checkpoints ug roving operations sa TMC uban sa LTO ug PNP, na matod pa adunay insidente sa dapit sa Upper Rehab padulong Imbayao diin nadakpan ang tulo ka motorsiklo nga nag-illegal drag racing human sa tawag sa concerned citizen.
Aron mapalig-on ang pagpatuman, nakigkoordinar usab ang TMC sa mga Barangay Captain ug gi-deputize ang BPSOs aron motabang sa pagdakop sulod sa ilang tagsa-tagsa ka barangay.
Giklaro usab niya nga ang pagdili sa maong muffler gilatid sa City Ordinance No. 900, Section 21. Kung madakpan, impoundable ang kaso, kumpiskahon ang muffler, ug pagabayran ang multa nga P3,000 para sa unang paglapas, samtang magpadayon ang monitoring ilabina sa city sentro sama sa dapit sa Gaisano ug Petron.