Nanawagan ang Tingog Party-list sa dinaling paghatag og target nga fuel subsidy para sa mga mag-uuma ug mananagat aron mapadayon ang suplay sa pagkaon sa nasud.
Sumala sa grupo, padayon nga gikalisdan sa pagsaka sa presyo sa krudo ang sektor sa agrikultura ug pangingisda, ilabi na ang gagmay nga prodyuser nga lisod na ang pag-atubang sa dugang gasto sa produksyon.
Gipasiugda sa Tingog PL nga dakong bahin sa gasto sa fuel sa mga mananagat, busa naapektuhan ang ilang operasyon ug panginabuhian.
Ang hinay nga produksyon, posibleng magdala kini og kakulangan sa suplay ug pagsaka sa presyo sa pagkaon.
Gipunting sa Tingog nga ang fuel subsidy dili lang tabang kundili usa ka importante nga lakang aron mapadayon ang produksyon sa pagkaon.
Kinahanglan kini ipanghatag nga husto, limitado sa panahon, ug nakatutok sa gagmay nga mag-uuma ug mananagat.