Tigpamaba sa Hamas, napatay sa airstrike sa Israel

Gibutyag sa Israel nga napatay niini ang tigpamaba sa Hamas nga si Abu Obeida.

Gitimbaya sa Ministro sa Depensa sa Israel nga si Israel Katz ang Israel Defense Forces (IDF) ug security agency sa Shin Bet alang sa malampuson nga operasyon.

Apan wala kini gikumpirma sa Hamas, samtang miluwat sila nga daghang mga sibilyan ang namatay sa labing bag-ong pag-atake sa Israel.

Labing menos pito ka mga tao ang namatay ug daghan usab ang nasamdan sa airstrike sa Israel sa Rimal, usa ka lungsod nga kasikbit sa Gaza City.

Usa lamang kini sa gipakusog nga airstrike sa Israel human sa giplanong opensiba niini.