Gipasiguro sa Office of the Ombudsman nga dili nila kalimtan o isalikway ang mga una nga testimonya ug pahayag sa magti-ayong Discaya kabahin sa anomalya sa flood control projects.
Sumala mismo ni Assistant Ombudsman Mico F. Clavano, mahimo gihapon gamiton ang ilang mga pamahayag sa nagpadayon nga imbestigasyon bahin sa maong isyu.
Kini bisan pa man nga gitawag na silang “hostile witnesses” ang magti-ayong Curlee ug Sarah Discaya tungod sa ilang paghunong sa kooperasyon ug pakigtambayayong sa gobyerno.
Gipasabot ni Clavano nga mahimong gamiton gihapon ang ilang testimonya gumikan gisumpaan man kini ubos sa panumpa sa panahon sa pagdungog sa Senado.
Apan iyang gipadayag nga wala pa gihapon nagpasar og “sworn affidavit” ang magti-ayong Discaya bisan pa sa ilang balik-balik nga pagbisita sa Department of Justice dayon gihapon ang imbestigasyon sa Ombudsman aron masuta ang tibuok kamatuoran.
Matod pa ni Assistant Ombudsman Clavano, kulang matud pa ang sulod sa affidavit sa magti-ayon bahin sa ilang mga nahibal-an dayon gihapon ang imbestigasyon sa Ombudsman aron masuta ang tibuok kamatuoran.
Nagtuo usab siya nga ang dili pag-pahayag sa tibuok impormasyon mahimong istratehiya lang sa kampo sa mga Discaya.
Dugang pa niini, nga puro paghatag sa mga ngalan apan wala magpresenta og ebidensiya aron mapamatud-an ang ilang mga sulti.
Tungod niini, miluwat si Clavano nga hulatan kung makigtambayayong pa ba ang mga Discaya sa dihang magsugod na ang pormal nga kaso.
Gipahayag usab nga dili makalusot ang magti-ayon gumikan padayon nga paninglan ug pasanginlan sila sa Ombudsman, lakip na ang uban pang mga nalambigit sa flood control projects anomaly.