Miulbo ang tensyon tali sa mga otoridad ug mga nagprotesta sa St. Paul, Minnesota.
Kini gumikan naghimo og protesta ang mga residente didto human gipusil ug gipatay sa mga opisyal sa Immigration and Customs Enforcement kon ICE ang usa ka babaye.
Ang mga otoridad napugos sa paggamit sa mga pepper balls sa mga tao.
Kini tungod misulay ang mga nagprotesta sa pagduol sa Henry Whipple Federal Building, apan kini hugot nga gibantayan sa mga otoridad.
Isip proteksyon, gikansela sa mga otoridad sa Minnesota ang klase sa mga tulonghaan.
Kahinumdoman nga ang biktima nga si Renee Nicole Good, 37 anyos, US citizen, gipusil-patay sa mga ahente sa ICE human gikaingong napakyas sa paghunong sa checkpoint.
Samtang gidepensahan sa White House ang pagpamusil, diin gikaingon nga ang ahente sa ICE nagdepensa lamang sa kaugalingon tungod ang biktima misulay nga ligsan kini.