Nagkampyon ang Pilipinas sa E-Sports World Cup sa Riyadh, Saudi Arabia.
Nagmadaugon ang Team Liquid Philippines human nila mapildi ang Selangor Red Giants sa Malaysia sa score nga 4-1 sa Mobile Legends: Bang Bang (MLBB) Mid Season Cup.
Gipangulohan ni Sanford Marin “Sanford” Vinuya ang Pilipinas aron malabwan ang back-to-back hangtod semifinals lang kutob sa tuig 2023 ug 2024.
Kauban ni Vinuya sila Karl Gabriel “KarlTzy” Nepomuceno, Alston “Sanji” Pabico, Jaypee “Jaypee” Gonzales dela Cruz, ug Kiel Calvin “OHEB” Soriano.
Tungod niini, magpadayon sila sa pagrepresentar sa Pilipinas aron makab-ot ang ika-duhang gold medal sa Southeast Asian Games nga ipahigayon sa Bangkok karong Disyembre.
Kini ang unang Mid Season Cup (MSC) nga nadaug sa Team Liquid ug ika-upat na sa Pilipinas sukad sa kadaugan sa: Aether Main (2018), Execration (2021) ug sa RSG Philippines (2022).