Ipausbaw sa Department of Agriculture (DA) ang taripa sa imported nga bugas sugod sa Enero 1, 2026.
Kini kabahin sa preparasyon sa gobyerno alang sa pagpadayon sa pagimport og bugas sa sunod nga tuig nga karon temporaryong gipahunong aron maprotektahan ang kita sa lokal nga mga mag-uuma sa bugas taliwala sa wet harvest season.
Sumala ni Agriculture Secretary Francisco Laurel Jr., ang pagtaas sa taripa nagpakita sa pipila ka mga reyalidad, lakip na ang pagkunhod sa bili sa peso ug ang posibilidad sa mas taas nga presyo sa bugas sa world market.
Gilauman nga moabot sa tunga-tunga sa Pebrero ang tanang shipment sa imported nga bugas aron masiguro ang makatarunganon nga farmgate prices sa pagsugod sa dry harvest season ug aron maprotektahan ang lokal nga mga mag-uuma sa palay.
Dugang pa niini, tangtangon sa DA ang 10% downpayment nga gikinahanglan alang sa pag-isyu sa Sanitary ug Phytosanitary Import Clearances.