Mibida ang pambato sa Pilipinas nga si Tarah Valencia sa preliminary evaluation sa Miss Supranational 2025 nga gipahigayon niadtong Hunyo 25, diin gipakita niini ang iyang katahom, kumpiyansa, ug karisma sa atubangan sa international judges.
Sa Confidence Round, nagsul-ob si Valencia og tangerine cutout nga one-piece swimwear nga disenyo sa iladong Filipino designer nga si Boom Sason, diin Nakita ang iyang nindot nga lawas ug barog.
Misunod nga lakang ang Elegance Round diin nagsul-ob kini og skin-tone nga mermaid cut gown nga adunay puti nga tulle sa palda ug floor-length nga arm drape, nga disenyo ni Larry Espinosa, usa usab ka Filipino designer.
Sa Instagram post, gihulagway ni Valencia ang iyang kaugalingon ingon nga og usa ka swan nga adunay puti nga pako ug hilom nga naglutaw sa tubig.