VALENCIA – Kumpirmadong Monkeypox o Mpox ang duha ka kaso sa Davao City ug usa sa South Cotabato, base sa report sa Department of Health. Gipadayag sa DOH nga gikan kini sa Clade II variant, ug hangtod karon, wala pa’y gilauman nga pagsaka sa peligro alang sa katawhan.
Gihangyo ang publiko nga magpabiling kalmado ug magpadayon sa pagsunod sa health protocols, sama sa kanunay nga paghugas sa kamot, paglikay sa suod nga kontak sa uban, ug pag-amping sa mga goot nga lugar.
Naglakip sa kasagarang sintomas sa Mpox ang panit nga hubag, hilanat, kasakit sa lawas, ug pagburot sa mga lusay. Mokatag ang virus pinaagi sa suod nga kontak sa nahugawan nga butang o mga tawo nga naay impeksyon. Tawagi dayon ang Valencia City CESU o bisitaha ang pinakaduol nga health center kung adunay mga sintomas.