Nakatabang sa pagsaka sa tourist arrivals sa isla sa Boracay ang gipahigayon nga swimsuit competition sa Miss Universe Philippines 2026.
Sumala sa Malay-Boracay Tourism Office (BMTO), gidagsa sa mga lokal ug langyaw nga turista ang maong kalihokan, hinungdan sa pagsaka sa occupancy rate sa mga hotel ug resort.
Gipakita sa 51 ka kandidata ang ilang kaanyag sa Aqua Boracay, nga naghatag og dakong exposure sa isla sa social media ug sa tibuok kalibutan.
Gawas sa pagrampa, nagpahigayon usab s og coastal clean-up sa white beach niadtong Marso 20 isip kabahin sa community service.
Sa unang duha ka semana sa Marso, niabot na sa 97,597 ang kinatibuk-ang turista sa isla.
Ang maong swimsuit segment maoy usa sa mga basehan sa pagpili og semifinalists para sa Grand Coronation karong Mayo 1, 2026, nga ipahigayon sa Mall of Asia Arena, diin ang modaog maoy ipadala sa Puerto Rico karong Nobyembre.