Nakagawas na ang gitumbok nga suspek sa pagpamusil-patay sa usa ka barangay tanod sa Cabanglasan, Bukidnon human napakyas sa pagpresentar og igong testigo nga makapamatood sa iyang kalambigitan sa maong krimen.
Nakagawas na gahapong adlawa ang unang gitudlong suspetsado sa insidente nga nahitabo niadtong milabayng adlaw ( Hulyo 21, 2025 ) sa Barangay Iba, Cabanglasan. Kahinumduman, nadakpan ang suspetsado sa Sitio Warag, Purok-8, sa samang adlaw nahitabo ang krimen, atol sa gipahigayon nga hot pursuit operation sa kapulisan ug tanod.
Base sa imbestigasyon, nasuta nga walay saksi nga makapamatuod sa pahayag batok sa suspek. Mibutyag ang suspetsado nga wala kini kalabot sa insidente ug misaysay nga namaligya lamang kini og sigarilyo sa lugar sa dihang nahitabo ang krimen.
Nakumpirma usab sa mga otoridad nga may sulod nga sigarilyo ang bag niini sa dihang nasikop kini. Padayon ang imbestigasyon sa kapulisan aron masuta ang tinuod nga responsable sa maong krimen ug matino ang motibo sa pagpamusil sa tanod.Â