Suspek sa pagpamusil ug nang-hostage sa usa ka eskwelahan sa Thailand, arestado

Gidakop sa mga awtoridad sa Thailand ang usa ka lalaki human kini namusil ug nang-hostage sulod sa usa ka tulunghaan.

Nisulod ang 18-anyos nga suspek sa Patongprathankiriwat School sa Songkhla, probinsya sa Hat Yai, nga nagdala og armas. Usa ka magtutudlo ug usa ka estudyante ang nasamdan sa maong pagpamusil diin nakahimo pa ang suspek sa pagpang-hostage.

Matud ni Deputy Superintendent Wichian Soboon, gipusil sa kapulisan ang suspek una kini nadakpan. Sa pagkakaron, gisuta pa sa mga awtoridad ang tinuod nga motibo sa suspek sa maong krimen.