Giuyog pag-usab ang Surigao del Sur human matala ang usa ka magnitude 5.5 nga linog pasado alas-8:31 sa gabii, Sabado, Oktubre 18.
Sumala sa inisyal nga taho sa Philippine Institute of Volcanology and Seismology (PHIVOLCS), ang episentro sa linog anaa sa southeast bahin sa Cagwait, Surigao del Sur. Adunay kini kalalumon nga 31 kilometro ug giklasipikar nga tectonic ang hinungdan, tungod sa kalit nga paglihok sa fault line sa ilawom sa yuta.
Ang mga natala nga kusog sa pag-uyog mao ang mosunod:
Intensity IV – Bislig City, Cagwait, ug Marihatag, Surigao del Sur
Intensity III – Mati City, Davao Oriental; Prosperidad, Agusan del Sur; Hinatuan, Tagbina, ug Tandag City, Surigao del Sur
Intensity II – Cagayan de Oro City; Mabini ug Maco, Davao de Oro; Malita, Davao Occidental
Intensity I – Davao City
Samtang ang mga instrumental intensities nga natala mao kini:
Intensity III – Nabunturan, Davao de Oro; Digos City, Davao del Sur; Cabadbaran City, Agusan del Norte; Bislig City ug Tandag City, Surigao del Sur
Intensity II – Hinunangan, Southern Leyte; Malaybalay City ug San Fernando, Bukidnon; Gingoog City, Misamis Oriental; Davao City; Malungon, Sarangani; ug Surigao City, Surigao del Norte
Intensity I – Abuyog, Leyte; Hinundayan ug Silago, Southern Leyte; Libona, Bukidnon; Balingasag ug Magsaysay, Misamis Oriental; Cagayan de Oro City; Matanao, Davao del Sur; Malita ug Santa Maria, Davao Occidental; Alabel, Sarangani; ug Tupi, South Cotabato.
Matod sa PHIVOLCS, kini usa ka aftershock sa magnitude 6.0 nga linog nga nahitabo sa samang lugar niadtong Oktubre 11, 2025.
Tungod sa linog, posible pa ang mosunod nga mga aftershock ug mga minimal nga kadaot sa ubang dapit nga naapektuhan.