Gikumpirma sa usa ka senior official nga gitarget sa joint military combat operation sa United States ug Israel si Ali Khamenei ug si Masoud Pezeshkian sa kabisera sa Tehran niadtong Sabado, Pebrero 28.
Sumala sa opisyal sa Israel, ang military forces nagtutok sa commanding officers nga responsable sa halapad nga pagpamatay sa mga Iranian protesters.
Wala pa saktong impormasyon kung malampuson ba ang maong operasyon.
Gikatakda usab nga magpagawas og “battle damage assessments” bahin sa pag-atake, nga ginganlan og “Roaring Lion” operation.
Una nang misaad ang Iran Ministry of Foreign Affairs og “decisive ug definitive” nga tubag human sa military strikes sa US ug Israel sa ilang teritoryo.
Gituohan sa Ministry nga ang maong pag-atake usa ka paglapas sa United Nations Charter.
Sumala sa Ministry, “Ang armed forces sa Islamic Republic of Iran motubag sa mga aggressors uban sa gahum ug determinasyon.”
“Ang kasaysayan nagpakita nga ang mga Iranian wala gayud mouko sa ilawom sa foreign aggression ug dominasyon; karon usab, ang tubag sa nasodnong Iranian mahimong decisive ug definitive,” matud sa Iran Foreign Ministry.