Sunog nga nahitabo sa Abbey of the Transfiguration nga nahimutang sa Brgy. San Jose, posibleng depekto sa kuryente

Padayon ang imbestigasyon sa mga otoridad human sa nahitabong sunog sa guest house sa Abbey of the Transfiguration nga nahimutang sa Barangay San Jose, Malaybalay City.

Sa eksklusibong pakighinabi sa Bombo Radyo Malaybalay kang Edwin O. Anib, Security Guard sa Monastery of the Transfiguration, mipadayag kini nga posible nga ang hinungdan sa sunog ang kuryente nga nagground, diin adunay nakamatikod nga misilaab nga wire.

Matud pa niini, nagsugod ang sunog mga alas 7 sa kagabii, Enero 6, 2026, ug hingpit nga napalong kini pasado alas 8:55 sa gabii.

Hinuon, wala’y natala nga naangol sa maong insidente, apan adunay pipila ka mga gamit sa bisita ug uban pang butang sa sulod sa guest house nabilin ug nalakip sa nasunog.