Gitawag sa Bukidnon Police Provincial Office nga isolated cases lamang ang mga sunod-sunod nga insidente sa pagpamusil sa syudad sa Valencia.
Sumala ni PCOL. Oliver Sotto Navales, Provincial Director sa BUKPO, adunay klarong pattern ang mga kaso ug naila na ang mga suspetsado niini.
Saysay pa niini nga na-file na usab ang mga kaso sa korte ug nasulbad na ang maong mga insidente sa pagpamusil.Gipasabot sa opisyal nga padayon ang pagpangdakop sa mga indibidwal nga nagkupot ug iligal nga droga isip kabahin sa kampanya batok kriminalidad.
Matud pa ni PCOL. Navales, ang pag palig on sa anti illegal activity operations makatabang aron maminusan ang mga krimen sa probinsya.
Dugang pa niini, gisuportahan ni Navales ang ideya sa pagpatuman sa reward system sa matag lokal nga panggamhanan aron mas paspas nga madakpan ang mga responsable sa mga krimen