Gitawag nga isolated cases sa kapulisan ning dakbayan ang sunod-sunod nga insidente sa pagpatay diin managlahing kaso sa krimen kalabot sa pagpatay ang natala ning lalawigan sa Bukidnon.
Sumala kang PCpt. Shiela Joy Jangad, tigpamaba sa Philippine National Police-Bukidnon, ang mga insidente sama sa suicide, natural death, stabbing ug shooting dili konektado sa usag usa ug giisip lamang nga mga bulag o isolated nga panghitabo.
Gipasabot niini nga bisan pa sa maong mga insidente, nagpabilin nga kontrolado ug malinawon ang kahimtang sa seguridad sa probinsya ug walay dakong hulga sa publiko.
Padayon usab ang aktibong operasyon sa kapulisan lakip ang pagpasaka og kaso batok sa mga suspetsado, pagpatuman sa hot pursuit operations, ug pagproseso sa mga warrant of arrest batok sa mga nakasibat.