Nagpagawas og bug-at nga pamahayag si US President Donald Trump nga kinahanglan adunay pagtugot o “approval” gikan sa Washington ang bisan kinsa nga pilion nga sunod nga Supreme Leader sa Iran.
Sumala ni Trump, kung dili maaprubahan sa Estados Unidos ang maong lider, “dili kini magdugay” sa iyang pwesto. Kini nga pamahayag gihimo sa Presidente dungan sa nagpadayon nga tensyon ug operasyon militar sa Middle East, diin gipanghimakak usab ni Trump ang paglingkod ni Mojtaba Khamenei isip hulip sa iyang namatay nga amahan nga si Ayatollah Ali Khamenei.
Sa pikas bahin, hugot nga gisalikway sa Iran ang maong pamahayag. Matod ni Iranian Foreign Minister Abbas Araghchi, walay katungod ang bisan kinsa nga nasod nga manghilabot sa ilang internal nga kalihokan, ilabi na sa pagpili sa ilang kaugalingon nga lider