Gipirmahan na ni Senate President Francis Chiz Escudero ang subpoena alang sa mga indibidwal gikan sa walo ka construction companies nga wala nagpadala og ilang representante sa imbestigasyon sa Senado kabahin sa Flood Control.
Gipadala kini karong adlawa Agosto 26 ngadto sa walo ka construction companies nga wala mitambong sa Senate Blue Ribbon panel.
Lakip sa mga kompanya mao ang, Wawao Builders, Topnotch Catalyst Builders Inc., Sunwest Inc., St. Timothy Construction Corp., Royal Crown Monarch Construction & Supplies Corp., L.R. Tiqui Builders Inc., Hi-Tone Construction & Development Corp., ug Alpha & Omega General Contractor & Development Corp.
Gipangalanan usab ang 15 ka construction companies nga nakadawat sa dako nga bahin sa P545 bilyon nga kantidad sa mga proyekto alang sa flood control ilawom sa kontrata sa goberno.