Social media ban sa France aprobado na sa National Assembly

Giaprubahan na sa France National Assembly ang balaod nga magdili sa mga kabataan ubos sa 15 anyos sa paggamit og social media, uban sa tumong nga malikayan ang online bullying ug kadaot sa mental health.

Ang balaod nagtumong sa pagdili sa social networks ug uban pang social networking features sulod sa mas dagkong plataporma.

Gibotaran kini sa 116 ka lawmakers kontra 23, ug ipadayon na karon sa Senado alang sa pinal nga pag-apruba.

Gisuportahan ni Presidente Emmanuel Macron ang balaod, nga nagtan-aw sa social media ingon usa sa hinungdan sa pagpanamastamas sa mga kabatan-onan.