Gipaabot ni Apollo Pacamalan, Director sa Department of Agriculture Region X, nga aktibo ang kooperasyon sa Bureau of Internal Revenue ug sa Bureau of Customs sa pagmonitor sa mga posibleng rice ug corn smugglers nga mosulod sa rehiyon.
Matod pa ni Pacamalan, wala pay narekord nga nasakpan sa kaso sa smuggled rice sa Northern Mindanao, apan dili pa matod ni kakompyansaan ug padayon ang intensibong pagbantay ug intelligence coordination aron malikayan ang ilegal nga pag-import sa mga produkto hilabi na sa bugas.
Gidasig usab sa Direktor, ang tanang negosyante nga mosunod sa legal nga pamaagi, ug likayan ang pagsulod og smuggled goods nga makadaot sa atong lokal nga produksyon.
Dugang pa niini, gipasabot sa DA nga dunay 83% nga rice sufficiency level sa rehiyon, samtang anaay 17% ang kakulangon sa produksyon ug suplay.
Bisan pa sa kakulangon, dako ang tabang sa daghang crop production nga nagpadayon sa pag-sustain sa panginahanglanon sa pagkaon sa rehiyon.
Gipasalig sa DA nga padayon ang pagsuporta sa mga mag-uuma pinaagi sa teknolohiya, irigasyon, ug subsidiya aron mapalambo ug mapalapad ang lokal nga produksyon sa bugas ug dili na magsalig sa imported nga supply.