Nakagawas na sa kustodiya ang usa ka batan-ong opisyal nga nagserbisyo isip SK Federation President sa Bukidnon, human kini makapyansa sa kasong estafa—nga karon nagbilin og mga pangutana sa integridad ug liderato sa kabatan-onan.
Nakapyansa ang suspetsado sa kantidad nga ₱48,000 nga girekomendar sa korte, human kini isilbihan og Warrant of Arrest ubos sa Criminal Case No. 648-25 nga gipagula niadtong Hulyo 15, 2025.
Gikumpirma sa mga otoridad nga ang suspetsado, 23-anyos ug lumulupyo sa Valencia City, maoy kasamtangang SK Federation President sa lalawigan.
Kahinumduman nga kagahapong adlawa, Agosto 5, 2025, gipahigayon sa kapulisan ang operasyon sa Magsaysay Street, Barangay 2, Malaybalay City, alas 12:53 sa udto, nga misangpot sa pagkadakop sa maong opisyal.