Nanghinaot si Bishop Noel Pedragosa, Obispo sa Diocese sa Malaybalay, nga makabotar nga gawasnon, dili tungod sa kwarta o utang kabubut-on ang mga botante.
Dugang pa niini, nga ang eleksiyon, oportunidad nga pilion ang kandidadto nga dunay paglantaw ug dunay baruganan sa kaayuhan sa katilingban.
Ang Parish Pastoral Council for Responsible Voting (PPCRV) gipanigurong maglihok uban sa suporta sa Katolikong simbahan, ug daghang boluntaryo niini gikan sa mga Parokya alang sa hapsay nga eleksiyon.
Kini nga organisasyon usa ka church-based election watchdog nga nagtumong sa pagpanalipod sa gawasnon ug matinud-anon nga eleksiyon.
Giila kini sa comelec isip citizens’ arm sa eleksiyon.
Bisan pa man niini, ginatambagan ang simbahan nga magpabilin nga non-partisan, apan dili kini pasabot nga dili kini makapadayag sa politika isip pagserbisyo sa katawhan ug pakigbisog alang sa kaayuhan sa tanan.