Shane Mosley suportado si Pacquiao sa umaabot nga away niini batok Mario Barrios

Padayon ang pagbansay ni Pinoy boxing icon Manny Pacquiao alang sa umaabot nga panagsangka niini batok kang Mario Barrios.

Miuyon ang kanhi nakasangka ni Pacquiao nga si Shane Mosley nga makab-ot ni Pacquiao nga malabwan niini si Barrios.

Dugang ni Mosley, makita niini ang determinasyon ni Pacquiao, ug bisan pa sa taas nga edad niini, anaa ang lig-on nga tinguha nga modaog.

Kahinumduman nga niadtong 2011, nag-atbang ang duha ka boksingero diin midaog si Pacquiao pinaagi sa 12-round unanimous decision.

Sa tuig 2017, opisyal nga niretiro ang American boxer nga si Mosley.

Ang panagbangi ni Pacquiao ug Barrios ipahigayon karong umaabot nga Hulyo 19, sa Las Vegas.