Gideklara ang “severe-extreme heatwaves” sa matag estado ug teritoryo sa Australia gawas sa Queensland.
Daghang mga lugar sa Australia ang karon nakasinati sa catastrophic fire conditions ug ang mga heat waves gilauman nga moigo sa kadaghanan nga mga lugar sa nasud.
Gilauman usab nga makasinati ang nasud og taas nga temperatura sa umaabot nga mga adlaw.
Karong adlawng Biyernes, ang estado sa Victoria modeklarar og “total fire ban”, samtang gipataas ang fire danger rating sa “catastrophic”, ang pinakataas nga lebel.
Mokabat sa 450 ka mga tulonghaan ug mga child care center ang gipasirado na.
Kagahapong adlawa, Huwebes, ang mga bombero nanlimbasug sa pagpalong sa daghang mga sunog sa Victoria ug New South Wales, diin adunay daghang mga tanker sa tubig nga gipakatap aron mapalong ang dagkong mga sunog duol sa lungsod sa Wodonga.
Nasinati usab sa Melbourne ang labing init nga adlaw nga miabot sa 40.9 degrees Celsius.
Matud sa usa ka opisyal sa Bureau of Meteorology, nga ang karong adlawng Biyernes mao ang “real peak ng heatwave.”
Gikaingong kini mahimong labing init nga adlaw alang sa kadaghanan sa South Australia, Victoria, kadaghanan sa New South Wales ug mga bahin sa Tasmania.