Nagpatuman og adjustment ang Kongreso sa iskedyul sa ratipikasyon sa bicameral conference committee report human nga naaprubahan ang 2026 General Appropriations Bill (GAB) o ang nasudnong pondo.
Gikan sa orihinal nga iskedyul nga Disyembre 22, gibalhin ang ratipikasyon sa bicam report sa 2026 national budget hangtod Disyembre 29.
Sumala pa ni Bicam Chairman Senator Sherwin Gatchalian, kinahanglan hatagan og panahon ang pagbalanse sa pinal nga bersyon sa gisugyot nga nasudnong pondo. kinahanglan usab og upat hangtod lima ka adlaw para sa pag-imprinta sa national budget.
Tungod niini, amyendahan sa Senado ang ilang legislative calendar aron mapalugway ang sesyon hangtod Disyembre 29. Kinahanglan nga nakasesyon ang Kongreso aron ma-ratify ang budget bill.