Patay ang usa ka ka 68 anyos nga senior citizen human kini gidunggab sa Purok 3, Brgy. Alae, Manolo Fortich, Bukidnon.
Nakahiagom og daghang samad dinunggaban sa nagkadalaing parte sa lawas ang maong biktima.
Giila ang suspek nga usa ka alias “Mally”. Sa imbestigasyon, nasayran nga miadto ang biktima sa usa ka payag diin anaa ang aron mangolekta og pasaw kon bahog sa binuhing baboy ug didto na nahitabo ang maong pagpangduggab.
Sumala usab sa igsuon sa biktima, nga gibutyag sa biktima nga adunay init nga panaglalis ang nahitabo tali kaniya ug sa suspect nga miresulta sa pagpanghulga sa kinabuhi.
Gibutyag usab ang hinungdan sa maong komosyon maong ang yuta nga giatiman sa biktima diin asa gapamutol ang suspek og mga kahoy nga wala’y permiso sa tag-iya sa maong yuta.
Samtang nagpadayon ang imestigasyon, nakita usab sa lugar sa insidente ang usa ka bolo, 2 .38 caliber, revolver, ug uban pang personal nga kagamitan.
Padayon usab ang hot pursuit operation sa mga otoridad aron madakpan gilayon ang responsable sa maong krimen.