Senior citizen nga gikaingong adunay alzheimer’s disease gikutlo ang kaugalingon kinabuhi gamit ang liston!

Nagbangutan ang pamilya sa usa ka 72-anyos nga lalaki human kini nagkutlo sa kaugalingong kinabuhi pinaagi sa pagbitay sa punuan sa kahoy sa Sitio Dalidon, Brgy. Sayawan, Impasug-ong, Bukidnon kagahapong adlaw.

Ang biktima, nasapon nalamang sa pag-umangkon niini nga si Remuel Conhog.

Base sa taho,  giingong nag-antos sa sakit nga Alzheimer’s ang biktima ug makadaghan na nga higayong nagpadayag sa tinguha nga tapuson ang iyang kinabuhi.

Miresponde gilayon ang kapulisan human madawat ang report gikan sa kapitan sa barangay aron ipahigayon ang gikinahanglang imbestigasyon.

Gikumprma nga patay na ang biktima sa attending physician sa Impasug-ong Rural Health Unit human kini gidala sa rescue team gikan sa dapit nga nahitaboan.