Nagtuo si Senate Minority Leader Alan Peter Cayetano nga walay igong basehan ang Committee on Ethics nga magpasaka og kaso batok kang Senador Ronald bato Dela Rosa gumikan sa wala pagtunga niini sa mga pagdungog human makadawat og pipila ka mga hulga sa iyang kinabuhi.
Hinuon, giawhag ni Cayetano ang gobyerno ug ang senado nga siguruhon ang patas nga proseso sa kaso ni Dela Rosa lakip na ang seguridad niini.
Kabahin kini sa gikaingong arrest warrant batok sa senador nga gi-isyu matud pa sa International Criminal Court (ICC) diin nahimo usab nga hulga nga subling dagiton ang senador ug dal-on sa The Hague dili lang hulaga sa mismong kinabuhi niini.
Sa usa ka pamahayag, gitumbok ni Cayeto nga kinahanglan hapsay ug klaro ang proseso ilawom sa justice system sa nasud ug angay siguruon sa kagamhanan nga legal ang dagan sa kaso.
Dugang pa sa senador, katungod sa gobyerno nga igo ang proteksyon ni Dela Rosa sanglit tinuod ang hungihong nga nag-isyu na ang ICC og arrest warrant batok sa senador.
Gipunting sa senador nga bisan kinsa makadawat og hulga sa kinabuhi makasinati og kahadlok nga mugawas o mutambong sa mga okasyon kung walay hingpit nga proteksyon.