Gibutyag ni Senate President Vicente “Tito” Sotto III nga wala siyay nakitang rason aron ilisan ang liderato sa Senado.
Matod ni Sotto, walay seryosong reklamo gikan sa mayorya ug giingon nga dayon nilang ginahisgutan ang bisan unsang isyu sulod sa ilang han-ay.
Gipanghimakak usab ni Sotto ang alegasyon nga adunay dili patas nga pagtrato sa minority bloc.
Dugang pa niini, ang mga istorya bahin sa posibleng pag-ilis sa liderato giingong naggikan sa wala pa opisyal ug partial nga report sa Senate Blue Ribbon Committee may kalabotan sa giingong anomalya sa flood control projects.
Giklaro usab ni Sotto nga walay tinuod nga power-sharing agreement tali kaniya ug ni Senator Loren Legarda, apan andam siya nga suportahan ang senadora kung mahitabo man kini human sa 2027 budget hearings.
Sa katapusan, gipadayag ni Sotto nga wala siya nabalaka sa mga isyu batok sa iyang liderato ug magpadayon siya sa pagserbisyo ug pagtuman sa iyang katungdanan alang sa katawhang Pilipino.