Nagpagawas og show cause order ang Senate Blue Ribbon Committee karong Lunes, Enero 19, 2026, batok kang kanhi Ako Bicol party-list Rep. Zaldy Co ug lima pa ka mga indibidwal tungod sa ilang pagpalya sa pagtambong sa hearing sa giingong anomaliya sa flood control projects.
Lakip sa gipadalhan og mando sila Mario Lipana (COA Commissioner), Orly Guteza (giingong whistleblower), John Paul Estrada, Mark Tecsay, ug Virgilio Eduarte. Matod ni Senate President Pro Tempore Panfilo “Ping” Lacson, kinahanglan silang mopasabut kon ngano dili sila angay i-cite for contempt human wala motuman sa subpoena sa Senado.
Gipahibalo usab ni Senate President Vicente “Tito” Sotto III nga andam ang Senado nga mopagawas og arrest warrant kon dili makatagbaw ang ilang katarungan. Gidudahang anaa sa gawas sa nasud si Co, samtang ang uban nagpabiling wala motungha sa hearing kalambigit sa giingong binilyong pondo nga napunta sa “ghost projects” ug korapsyon.