Senate Blue Ribbon Committee, susihon pag-usab ang tulubagon ni PBBM sa flood control anomalies

Gikatakdang susihon og balik sa Senate Blue Ribbon Committee ang posibleng tulubagon ni Presidente Ferdinand Marcos Jr. kalabot sa isyu sa mga anomaliya sa flood control projects.

Matud pa ni Senate President Pro Tempore Panfilo Lacson, mao kini ang mahimong prayoridad nila karong adlawa, Lunes sa Pebrero ang pagtino sa angayng buhaton kung pananglitan malambigit ang presidente.

Kasamtangan, giandam na sa panel ang draft committee report aron makakuha og igong pirma alang sa pagahimoong debate sa plenaryo.

Una nang gibutyag ni Sen. Lacson nga walay directang ebidensya nga nalambigit ang Presidente sa bribery og dali niining giaprubahan ang General Appropriations Act (GAA) nga giandam sa Kongreso.