Gipasabot ni Senate President Pro Tempore Panfilo Lacson nga kinahanglan seryosong atubangon sa Senado ang dugay na nga wala pagtambong ni Senator Ronald Dela Rosa sa plenary sessions sukad pa sa katapusan sa 2025.
Kini human mopadayag sa kabalaka nga posibleng adunay warrant sa International Criminal Court kon ICC tungod sa gikaingong paglapas sa tawhanong katungod sa panahon sa drug war sa miaging administrasyon.
Matud pa niini, nga hisgutan kini sa umaabot nga all-senators caucus, apan wala pa’y konsensus kung unsa ang angay buhaton o unsang silot ang ipatuman.
Tungod sa padayon nga wala pagtambong ni Dela Rosa, pipila ka mga senador ug kritiko ang mipadayag nga plano niining mopasaka og ethics complaint, nga posibleng mosangpot sa mas seryosong aksyon kung magpadayon ang maong kakulang.
Sa isyu sa legislative arrest immunity, giklaro ni Lacson nga ang mga Senador protektado lamang gikan sa pagdakop alang sa kaso nga silotan og pagpriso nga ubos sa unom ka tuig, samtang ang mas bug-at nga silot dili sakop sa immunity.
Sigon usab niini nga ang tanang aksyon kinahanglan motuman sa due process ug lagda sa Senado, samtang mapreserba ang accountability, integridad sa institusyon, ug pagsalig sa publiko