Gitubag ni Senate President Francis “Chiz” Escudero ang gikatakdang pagtaral kang Vice President Sara Duterte.
Matud ni Escudero, ang Senado sa 19th Congress gibalik paingon sa House of Representatives ang articles of impeachment gumikan sa pipila ka legal nga mga isyu nga kinahanglan klarohon.
Apan, iyang gipasabot nga wala gi-dismiss ang kaso, ug gipadala na ang summons sa Bise Presidente aron kini motubag sa umaabot nga pagdungog sa Senado.
Gihisgutan usab niini ang mga isyu nga giatubang ni Duterte, ilabina sa konteksto sa pagsunod sa legal nga proseso.
Gibutyag niini nga dili makalihok ang senado isip impeachment court og wala kini sa sesyon o walay espesyal nga sesyon nga gipatawag ang presidente.
Gipasiugda ni Escudero ang pagrespeto sa legislative calendar sa Senado, ug miingon nga dili nila paspason ang proseso gumikan lamang sa pressure gikan sa media o mga online petitions.
Sa iyang pahayag, gipasabot ni Escudero nga posibleng magsugod ang impeachment trial sa 20th Congress, uban ang mga bag-ong napiling senador ug moangkon sa ilang katungdanan human sa State of the Nation Address (SONA) sa Presidente karong Hulyo 28, 2025.
Sa kinatibuk-an, gibutyag ni Escudero nga magpabilin ang senado ug way gidapigan ug musunod sa saktong proseso sa balaod aron maseguro nga patas ug malinawon ang tanang impeachment proceedings.