Gikadismaya sa Senado ang langay nga implementasyon sa Fuel Excise Tax Suspension nga nagtumong aron mapakunhod ang presyo sa lana sa Pilipinas.
Gikwestiyon ni Senator Bam Aquino ang Department of Energy ug ang ehekutibo bahin sa epekto sa pagkalangay niini, samtang nagpadayon ang pagsaka sa presyo sa mga palaliton ug naapektuhan ang mga gagmay ug medium nga negosyo (MSMEs).
Sumala ni Undersecretary Carlo Adriano sa Department of Finance nga napirmahan na ang balaod, apan kinahanglan pa ang rekomendasyon sa Development Budget Coordination Committee ug 15 ka adlaw nga publication period aron mahimong epektibo ang suspension, nga posible magsugod sa Abril 12 o 13.
Ang hearing nagpasiugda sa kamahinungdanon sa paspas nga aksyon aron mapagaan ang epekto sa katawhan ug sa mga negosyante.