Gipasiugda ni Senador Juan Miguel Zubiri ang kamahinungdanon sa pagbaton og world-class nga pasilidad alang sa mga atleta.
Kini ang gipasundayag sa senador atol sa pagpamulong niini isip keynote speaker sa pag-abli sa Northern Mindanao Regional Athletic Association (NMRAA) Meet 2026 kagahapong adlawa, Marso 19, sa Bukidnon Sports & Cultural Complex.
Hugot nga gipasabot niini nga pang world class ang abilidad sa mga atleta sa rehiyon, busa dili angay pasagdan nga bisan asa magbansay kundli mahatagan og igong pagtagad ilabina sa mga pasilidad sa pagpangandam sa ilang kaugmaon isip mga atleta.
Gipasigarbo niini nga sa natad sa pang-paugnat sa kusog, andam makiglantugi ang matag delegado sa tanang higayon ug sa asang lugar maabot.
Isip atleta sa Arnis kaniadto, gipaambit sa senador nga ang maong pasilidad gitukod aron mahimong sentro sa training sa rehiyon ug aron masiguro nga dili masinati sa mga kabatan-onan karon ang kakuwang sa suporta sama nga iyang nasinatian kaniadto.