Sen. Zubiri, andam mukanaog isip Senate Majority Leader sa 2027

Andam na nga mubakante sa iyang pwesto isip Senate Majority Floor Leader si Senador Juan Miguel Zubiri sa ulahing bahin sa tuig 2027.

Kini aron mahatagan og higayon ang ubang mga senador nga makahupot sa maong posisyon.

Matud pa niini, gipahibalo na niya ang ubang miyembro sa majority bloc sa usa ka panagtigum nga andam kini mo-step down. Plano niini nga ang muhulip kaniya mao ang iyang Senior Deputy Majority Leader nga si Sen. JV Ejercito.

Saysay pa niini, target nila nga himoon ang transition sa sunod tuig, dungan sa pagbalhin sa Senado ngadto sa bag-ong building sa Fort Bonifacio, Taguig.