Nananawagan si Senador Francis “Kiko” Pangilinan sa Senado nga dinalian nga ipasa ang duha ka sugyot sa balaod nga nagtumong sa pagpalig-on sa sektor sa agrikultura ug pagsiguro sa seguridad sa pagkaon sa nasud.
Lakip sa maong mga sugyot mao ang Senate Bill No. 1990 ug Senate Bill No. 1991, nga magsilbi nga dugang sa naunang Sagip Saka Act aron tugotan ang gobyerno nga direktang mopalit og mga produkto gikan sa mga mag-uuma ug mangingisda.
Ubos sa Cooperatives Act, tinguha niini nga palig-onon ang tibuok value chain sa agrikultura. Gilangkuban usab kini sa paghatag og mga tax incentives ug suporta gikan sa mga bangko alang sa mga kooperatiba.
Matud pa ni Pangilinan, mahinungdanon kaayo ang pagpalig-on sa lokal nga produksyon sa pagkaon aron makunhuran ang pagsalig sa nasud sa importasyon
Dugang pa niini, tumong usab sa Extension Act nga ipaubos ngadto sa lebel sa mga munisipyo ang agricultural extension services.
Kini aron mas mapadali ang paghatag og tabang, kahibalo, ug modernong teknolohiya ngadto sa mga mag-uuma ug mangingisda sa mga probinsya.