Gikatahong dili usab mupirma si Sen. Robinhood Padilla sa report sa Senate Blue Ribbon Committee kalabot sa gikaingong anomalya sa flood control projects, sunod sa nahimong posisyon ni Minority Leader Alan Peter Cayetano.
Matud ni Padilla, nga suportahan niini ang bulag nga minority bloc report, nga wala usab pirmahi ni Cayetano.
Ang draft sa Blue Ribbon report nagrekomendar sa pagpasaka og kasong kriminal ug administratiba batok kang Sen. Francis Escudero, Sen. Joel Villanueva, ug Sen. Jinggoy Estrada.
Giklaro niini nga ang minority report wala’y gipagawas nga findings batok nilang Escudero ug Estrada. Matud niini, kinahanglan silang lig-on sa minoriya.
Dugang pa niini, nga kung unsa man ang desisyon sa minority floor leader, kini matud pa usab ang ilang sundon. Hinuon, giinsister niini nga bisan kinsa nga senador gawasnon nga mopirma sa report kung gusto nila.
Subling gipalig-on ni Padilla ang loyalty sa Duterte bloc ug miluwat nga wa kini plano nga mobalhin sa mayoriya.
Samtang si Senador Raffy Tulfo, nga maoy mayoriya miluwat nga wa pa kini makapirma sa draft report tungod wala pa niini gibasa og maayo.
Matud ni Tulfo, mga kapin kon kulang anaa sa 400 ka panid ang gitas-on sa report