Sen. Marcoleta gihagit ang mga opisyal ug eksperto nga mikwestiyon sa iyang baruganan sa WPS

Gihagit ni  Sen. Rodante Marcoleta ang mga opisyal ug eksperto nga padayon nga nagkwestiyon sa  mga pamahayag niini mahitungod sa West Philippine Sea (WPS).

Matod pa sa senador nga atubangon kini sa  mga indibidwal aron pamatud-an ang mga claims gamit ang tinuod nga mga dokumento.

Atol sa usa ka pagdungog sa Committee on National Defense, gipadahayag ni Marcoleta nga mas maayo kung sa husto ug pormal nga venue sama sa Senado husayon ang mga dili pagsinabtanay kaysa sa pagbinayloay og mga pulong sa radyo, telebisyon, o uban pang plataporma.